لوحة فنية تعليمية لسهم الإسماعيلية الجديدة للتطوير 11-1-2026

انظر إلي اللوحة الفنية ومدي بساطتها
مع دمج التحليل الكلاسيكي البسيط مع تحليل العين المجردة
الشرح
نموذج قاعين مذدوجه قمتة عند سعر 20 جنية تم إختراقة وإعادة اختبارة ثم انطلق إلي 37 جنية

ثم تصحيح هابط وصل الي 22 جنية ثم صعود وصل الي 44 جنية (يعني موجة صعود = 100%)

المهم الآن (خد الدرس دا وابقي أشكرني لاحقاً)
السؤال : السهم هيهبط ولا هيصعد ؟
الإجابة : أقسم برب الناس ما أعرف ولا مخلوق علي الأرض يعرف وأي حد يدعي المعرفة اعمله بلوك فوراً لأنه نصاب وكذاب
ولكن أنا هشرحلك إزاي نتخذ القرار - احنا هنحاول نبحث عن دلائل تخلينا نرجح أتجاه ممكن حدوثة بناء علي هذه الدلائل

@ الدليل الأول : التحليل بالعين المجردة (قمم صاعدة + قيعان صاعدة)
* الاستفادة من الدليل : نحن في ترند صاعد قوي علي الفريم الأسبوعي

@ الدليل الثاني : أحجام التداول (تزايد مستمر)
* الاستفادة من الدليل : لن نعول عليها كثيراً لأنها غير موثوقة ولكنها تعتبر إيجابية

@ الدليل الثالث : معلومة جديدة ليك (كل سهم بيتبع متوسط معين moving average ومفيش متوسط واحد بيمشي علي كل الأسهم) من خلال التجربة هذا السهم يتبع متوسط 30 باحتراف وكل ما يتلامس مع المتوسط بيبدأ يصعد
* الاستفادة من الدليل : السعر أعلي المتوسط المتحرك 30 ولكن السعر حالياً ما زال بعيد عن المتوسط (فمن ذلك نرجح أننا في اتجاه صاعد لكن محتمل يطول شوية في الاتجاه العرضي حتي يتلاقى يوما ما مع المتوسط

@ الدليل الرابع : التصحيح يتم بشكل عرضي خلال أخر 4 شهور في نطاق سعري ما بين 36 جنية الي 42 جنية)
* الاستفادة من الدليل : معلومة جديدة ليك ( طول ما السهم بيتداول في الاتجاه العرضي لن نستطيع معرفة أن كان الميكر بيوزع أسهمه وبيبيعها وبعدها هيهبط أو بيجمع من جديد في هذه المنطقة وبعدين هيصعد) لذلك لابد أن ننتظر حدوث اختراق واضح للمنطقة أو كسر واضح بحجم تداول كبير حتي نعرف ماذا يفعل الميكر

وهناك أدلة أخري لكني مش عايز الغبطها عليك (مش كلة مرة واحدة - بالتدريج هديلك شيئأ شيئأ)
==== الاستنتاج من الدراسة ====
الدليل الأول - يرجح الصعود
الدليل الثاني - يرجح الصعود
الدليل الثالث - لا يرجح الصعود ولا الهبوط (إنما يرجح أن الاتجاه العرضي لن ينتهي حاليا وقد تطول مدته قليلاً)
الدليل الرابع - لا يرجح أي شيء فهو ينتظر الحقائق والواقع - اما اختراق أو كسر واضح للمنطقة العرضية

===== الخلاصة =======
-------- لو انت في السهم - لا يوجد أي دليل يخليك تسيبه وتخرج

-------- لو انت برة السهم وشخص عادي وعايز تدخل (ادخل ولكن كن متأكد انك في اتجاه عرضي قصير المدي لا يعلم متي ينتهي غير الله - السعر ما بين 36 الي 42 ) لا تطمح في أكثر من ذلك - تثبت النص وتتداول بالنص التاني بيع وشراء

-------- طيب لو أنت برة ومحترف ومخاطر وذو قلب حديد مبني علي الوقائع لا الأمال والطموحات (ودا بقي النوع اللي محتاجين نكون علية علشان نكسب) تنتظر اختراق واضح بحجم تداول كبير للمنطقة العرضية ويكون وقف الخسارة الإغلاق أسفل منتصف المنطقة العرضية أو لو السعر دخل المنطقة العرضية تاني تبيع بخسارة بسيطة بسرعه وتهرب
(هيا المخاطرة كدا - نحن لا نعلم الغيب ولكن نرجح احتمال طبقاً لدلائل ونتوكل علي الله - تصيب أو تخيب علينا أن نتقبل المخاطرة بصدر رحب قبل ما نشتري ونكون متأكدين أن كل الاحتمالات واردة)

===== الخلاصة بقي المبنية علي الخبرة بعيد عن الدراسات =======
أعتقد السهم دا هيطلع للـ 100 جنية بشرط لو بدأ يتحرك فعلياً خلال الشهر دا

حاسس اني صعبتها عليك شوية وكل دا ملهوش داعي (رغم اني في الشرح اتبعت الأسلوب الأسهل - لكن القادم هيكون أسهل - مع الوقت هعرفك أنك مش محتاج تبص لتاريخ السهم علشان تاخد القرار ومش محتاج أكتر من دقيقة واحدة لتقرر هتشتري أو لأ )

ومع أني معرفكش لكن أتمني لك التوفيق ,,,,,