تقرير XAUMO 🧠 الوضع العام للسوق:
السوق دلوقتي عامل زي العيل العايز يعيط ومش لاقي سبب.
بيتلزق حوالين السعر 3350 زي العيل اللي ماسك في رجل أمه.
صناع السوق (الولاد اللذاذ دول) قاعدين يلمّوا سيولة يمين وشمال ومستنين حد يغلط عشان يخطفوه.
🪤 صناع السوق بيلعبوا إزاي؟
بيطلعوا السعر فوق 3352 كأنهم هيفجّروا الدنيا…
أول ما الناس تدخل شراء؟ ✂️ بيقصوا عليهم بالسكاكين ويرجعوا السعر لتحت!
ده اسمه "فخ الواوا" 🤣
🎯 صفقة اليوم (جوهرة الجواهر بقى)
👇 تدخل بيع لما يحصل الآتي:
نوع العملية دخول وقف خسارة هدف الربح ثقة المعلم
بيع ستوب 3348.80 3353.20 3343.00 85%
عني أول ما السعر يكسر 3348.80 لتحت، دوس بيع من غير سلام ولا كلام.
وخلي بالك، الهدف 3343، وساعتها تقول لصناع السوق: "بوس إيدي كمان مرّة!"
💣 سيناريوهات الاستهبال:
لو السعر عمل نفسه عايز يطلع فوق 3352.50:
متتحمسش! ده غالبًا فخ من بتوع "ادخل يا معلم واطلع خسران".
بس لو فعلاً طلع بكميات تداول قوية (ودي نادرة زي الحمار الوحشي في المعادي😀وأنا أصلاً من المعادي)، ساعتها:
نوع العملية دخول وقف خسارة هدف ربح
شراء ستوب 3353.50 3349.00 3357.50
بس ثقة الكلام ده؟
أقل من إنك تلاقي لبن سايب فريش في الميترو 😅
⚖️ خطة تأمين نفسنا (HEDGE):
لو انت خايف تدخل بيع لوحدك وعايز تلعبها من الجنبين:
بيع من 3349، وقف خسارة 3353.50، هدف 3343.
ولو السعر طار فوق 3353، ساعتها ندخل شراء، بس لو فعلاً طلع وحافظ، هدفنا يكون 3357.50.
بس برضو، البيع هو أبوك وأمك النهارده.
🧨 فين ممكن يصطادوا الناس؟
فوق 3352: هتلاقي حفلة ناس بتشتري، ومفيش غير "كف على قفاهم".
تحت 3346: لو السعر نزل جامد وبعدها رجع بسرعة؟
إديله شراء سريع من 3348، وخلي وقفك صغير زي مخ صانع السوق.
🗣️ خلاصة الكلام بقى:
السوق بيستعبط.
صناع السوق بيغنوا: "تعالى نضحك على المشترين والبايعين سوا!"
إنت بقى، لو دماغك شغالة، تدخل بيع من تحت 3349، وتحط هدف محترم تحت.
وهتدعيلي وانت بتعد الأرباح.
