ALCN
الإسكندرية للحاويات من الأسهم اللي اتحولت من المؤشر الرئيسي للمؤشر السبعيني مؤخرا بعد أداء قوي وإيجابي، السهم بطبيعة الحال اتأثر بحركة البضايع ووقف سداد المواد المستوردة بالدولار من مارس اللي فات وأول ما تم توفير دولار في نوفمبر وديسمبر، كلنا شفنا السهم طار إزاي، يعني تحرك منطقي ووراه تصحيح برضه منطقي.
نظرتي للسهم في العموم إيجابية واحتمالات الصعود أكتر من الهبوط للآتي:
1) اتكون (Hammer) ممتاز يوم 5 فبراير عند مستوى دعم 15 – 15.3
2) كل الشمعات بعد الانعكاس اللي كانت ((Higher High and Higher Low
3) مؤشر MACD في طريقه للانقلاب بس قدامه يومين أو تلاتة
4) مؤشرStochastic مازال قوس ولا يوجد ملامح ضعف في الترند الصاعد
المخاطر:
1) السهم ما زال بيتحرك تحت الخط الأسود وهو مستوى الهبوط ولازم يكسره وقفل فوقيه ليوم أو اتنين عشان يأكد الصعود والانعكاس، وإلا يبقى الانعكاس اللي تم عند15 جنيه محدود وحقق أرباح في حدود 3 جنيه خلاص وهنستنى لما السهم يخلص جنى أرباح
2) السهم بسبب الكوبونات مقدرش يكسر خط المتوسط EMA 50 وارتد مع إنه كان فاتح ب GAP قوية
3) ضعف الأرباح نتيجة الإغلاق بالموانئء عند صدور القوائم المالية يضعف السهم
4) توزيع الكوبونات للأسف معكوس، بيتسبب في هبوط السهم عادة قبل التوزيع مباشرة وبعد التوزيع لفترة أسابيع
الخلاصة لو مستحوذ على السهم خليه، لو عايز تشتري استنى يكسر الخط الأسود وينهي التصحيح