سهم القلعة، هبوط ثم صعود

CCAP
سهم القلعة:
من الشركات القوية على الرغم من بعض المخاسر في شركة كبيرة زي "دينا" التابعة ليها بس المجموعة ككل أدائها كويس.
حصل عليها (hype)قوي من ديسمبر 2022 وارتفع سعر السهم بقيمة 100% تقريبا في شهر واحد بصورة يومية!
للأسف السهم فشل في اختراق مستويات 2.3 – 2.45 تلات مرات على التوالي وابتدى هبوط تصحيحي في أول مرة مقدرش يخترق المقاومة، لأن السهم كان (Overbought) زي ما هو باين على مؤشر (RSI).
السهم مقدرش يخترق في المرتين التانيين وكالعادة نزل وكسر الدعم عند 1.99 وارتد عند من تلات أيام من عند 1.9
بالرجوع لتاريخ السهم من أول ما بدأ، مفيش أي دعم/مقاومة سابقة عند 1.9 ويا إما ده هيبقى دعم جديد (احتمال ضعيف) يا إما بيحضر عشان عشان يكسر للأسفل تاني لحد 1.7 ولو ملقاش دعم عندها، هيكمل لحد ما يقابل EMA 200 وده هيكون أول دعم قوي ممكن يحصل عنده ارتداد عند مستوى 1.56
اللي بيدعم فكرة استكمال الهبوط إن السهم لما حاول يطلع من مستوى 1.9 اللي ملهاش سابق وجود كدعم أو مقاومة، اول ما لمس EMA 50 هبط بسرعة وخسر تقريبا 80% من مكاسب اليوم اللي قبله.
لو صحت وجهة نظري إنه هينزل لمستوى 1.56، عندها نبدأ نراجع ونشوف الارتداد شكله إيه.