civil

جديد -الخلاصة في السوق egx 30 بدون تفائل أو تشاؤم 29 فبراير 2024

بيع
civil تم تحديثه   
EGX_DLY:EGX30   مؤشر سعر العائد EGX 30
# سابقاً خلال الشهر السابق تحدثنا عن توقعاتنا بصعود السوق لأرقام أعلي من القمة السابقة وهي 30500 تقريباً .
# اولا الاتجاه الصاعد ما زال ساري طالما لم يكسر اخر قاع تكون عند 27000 ألف تقريباً .
# ولكن من بعد جلسة الأمس واليوم ومن منطلق الآمانة ونقل ما أراة علي الشارت بدون تحيز أو تفاؤل أو تشاؤم .
ما يحدث بالسوق خلال آخر 4 أيام قمة في المهذلة حرفياً . (هنوصفة بأنة لعب عيال) . السوق يصعد الصبح 4% يطمع الأفراد الغلابة في الشراء , وبعد نص الجلسة يبيع بهذة الطريقة العنيفة والسوق قافل -2% . (ذبذبة عالية جداً)
ومعظم الأسهم تصعد بعنف الصبح وبعد منتصف الجلسة كل الأسهم تغلق وتترك ورائها ذيل شمعة طولة نصف متر .
# هديك مثال علي كدا
- سهم جي بي اوتو صعد 20% من 3 أيام وفي ىخر الجلسة قفل علي 3% وتاني يوم خسران 4%
- سهم السويدي النهاردة صعد 9.5% وأخر اليوم خسران 2%
- سهم المنتجعات السياحية صعد ل 12% واخر اليوم قافل علي 4%
(فدا اسمه لعب عيال وقمة التهريج)
المهم الذبذبة دي كلها (عدم يقين) محدش عارف ايه اللي هيحصل بعد كدا (وعلشان كدا انا رسمتلك رسمة بسيطة علشان احميك من خسارة فادحة قد تضيعك في الأيام القادمة)
علي الرسم هتلاقي مثلث
أولا : نصيحتي ليك لو انت مضارب ومش عارف حاجة بيع أسهمك كوقف خسارة - وانتظر لما نشوف هل هيخرج السعر من أعلي المثلث ولا هيكسر قاع المثلث
ثانياً : نصيحتي ليك لو انت مستثمر من زمان ومعاك ربح يحميك من الهبوط اذا حدث - لا تبيع اسهمك إلا لو السعر كسر قاع المثلث لأسفل)
* أما لو انت مضارب ومحترف ملناش دعوة بيك - اتصرف انت لوحدك

كل دا مؤقتاً فقط لغاية لما الأوضاع تستقر لأنك مش هتعرف تكسب في الذبذبة العالية دي وغير كدا ممكن تخسر كل المكاسب اللي كسبتها قبل كدا . فاحذر .
لما الدنيا تستقر سواء بصعود السوق مجدداً أو بهبوطة ,, هيكون فية اسهم لها دخول جيد ولها اهداف جيدة فيما بعد هنقدر ندخل فيها .
خلاصة الموضوع : أحمي مكسبك القديم حالياً واتفرج لغاية لما نشوف الوضع هيستقر علي إية .
وبالتوفيق للجميع .......


تعليق:
وسيبك كمان من مؤشر السوق وخليك وركز مع الأسهم بتاعتك
لأن خلال الاسبوعين السابقين السوق بيتحرك في رينج 2000 نقطة ومع ذلك معظم الأسهم هبطت من 40 الي 50% من أعلي قمة وصلتها . فدا اسمة حتي الآن تصريف صريح في 80% من الأسهم
واللي ساند السوق حتي الآن هما 4 أو 5 أسهم بتوع العقارات - ولو هذة الاسهم انهارت وانتهي صعودها يمكن يحدث هبوط عنيف لمؤشر السوق ككل . فخد بالك تاني .
تعليق:
ان شاء الله فيه أمل لو عدي 29700 وقفل فوقها كدا خلاص هيكون بداية الإيجابية المؤكدة قول يارب
تعليق:
.
تعليق:
90% من الاسهم عليها اشارات شراء
تم إغلاق الصفقة يدويًا
إخلاء المسؤولية

لا يُقصد بالمعلومات والمنشورات أن تكون، أو تشكل، أي نصيحة مالية أو استثمارية أو تجارية أو أنواع أخرى من النصائح أو التوصيات المقدمة أو المعتمدة من TradingView. اقرأ المزيد في شروط الاستخدام.