LCSW
سهم ليسيكو من الأسهم اللي أنا شخصيا بأحبها جدا (مع إني دايما بانبه وأكد إن السهم مش صاحبتك ومفيهوش عواطف)
بعد الصعود التاريخي اللي كلنا شفناه حصل ما يبدو على إنه تصحيح قوي في وقتها عند 7 جنيه وكانت فرصة ممتازة للشراء وفي أسبوع واحد وصل 10.50 وربنا يبارك للي كسب فيه.
كان في توقع إنه هيعمل (Inverted Head and Shoulders) - (المربع الأخضر) وده معناه قنبلة صعود تانية يمكن ل15 أو 16 جنيه بس للأسف وقف السهم على آخر يومين وبدل ما يكسر 10.6 وصل 10.2 ووقف وابتدى ينزل ولحد النهاردة ما زال الترند هابط.
الارتداد الحالي من عند مستوى 6.3 ممكن يكون نهاية التصحيح وممكن لأ، ممكن نشتري منه ونبيع بسرعة على 7 جنيه مثلا بربحية كويسة 4% في يومين تلاتة. (دايما في مخاطرة إن ده ميحصلش!! قرر بنفسك).
إمتي أعرف إن ترند الهبوط انتهى تماما؟
لو أنا صبور كفاية والقوايم المالية الربع سنوية نزلت وكانت إيجابية في المجمل، السهم أول ما يقفل شمعة أو اتنين فوق (الخط الأخضر السميك) سواء بعد شهر أو أسبوع أو غيره، المهم يقفل فوقيه وساعتها تبتدي رحلة صعود جديدة إن شاء الله.
طيب يا قيصر تفتكر هيطلع من هنا ولا لسة هينزل شوية كمان؟
الأغلب (ودايما نقول الأغلب لأن في دايما تلات احتمالات – نازل وطالع وعرضي -)، الاحتمال الأغلب يطلع شوية وينزل لحد مستوى 5.7 - 6 جنيه لأني ما زلت أعتقد إن كل ده تصحيح، بس تصحيح صعب شوية على اللي اشترى السهم من فوق طبعا.
طبعا لو كسر الخط الأحمر، يبقى لسة قدامه شهور وممكن يوصل 2 جنيه، أتمنى ميحصلش الاحتمال ده خصوصا إن مؤشرات البورصة كويسة جدا والسبعيني وقته قرب إن شاء الله وليسيكو من أعمدته.
بالتوفيق