أبيكو: زيادة رأس المال+ودخول للثلاثيني+ القيمة العادلة وفرص 10%

سهم أبيكو: انخفاض بسبب زيادة رأس المال... والفرصة في الإدراج بالثلاثيني

سهم شركة أبيكو تعرض لانخفاض في السعر بسبب عزوف "عدم رغبة " المستثمرين عن المشاركة في اكتتاب زيادة رأس المال، اللي الهدف منه تمويل توسعات الشركة. ودا بيكشف عن تغير فكري جوهري في إدارة الشركة، من شركة كانت معروفة بتوزيع الأرباح، لشركة بتسعى للتوسع والنمو، ودا محتاج دعم من المؤسسات الكبيرة عشان ينجح.

القيمة العادلة وتأثيرها على السهم
بعد ما الشركة أعلنت إن القيمة العادلة للسهم بتساوي 50 جنيه، كان وقتها بيتداول عند 45.5 جنيه، ودا دفعه للصعود لمستوى 47 جنيه، لكن بعد إعلان التقييم المستقل اللي رفع القيمة العادلة لـ52 جنيه، المتداولين اللي بيدوروا على ربح سريع ما كانوش مهتمين، والسهم رجع للهبوط تاني.

التحديات على المدى الطويل
سعر الاكتتاب في زيادة رأس المال أعلى من السعر الحالي للسهم.
الشركة بتشهد تغيرات جوهرية في استراتيجيتها.
وجود التزامات مالية وديون بسبب التوسعات.
المصنع الجديد محتاج وقت أطول من المتوقع عشان يبدأ الإنتاج.
فرصة الصعود مع الإدراج في الثلاثيني
إدراج أبيكو في مؤشر EGX 30 يعتبر قبلة حياة للسهم، لأنه هيجذب مؤسسات استثمارية كبيرة تدخل وتدعمه، ودا طبيعي هيأثر على سعره ويرفعه تدريجيا.

مستويات المتابعة والفرص
لو السوق فضل إيجابي، ممكن نشوف السهم يتحرك في المستويات دي:

45.9 – 46.5 جنيه
48 جنيه
الخروج أو الاستمرار في السهم بيعتمد على قراءتك للأحداث وتطورات السوق، لكن الإدراج في الثلاثيني ممكن يكون نقطة انطلاق جديدة للسهم الفترة الجاية.... او لا اول مرا اشوف سهم عاوز يعمل زيادة وقيمة الاصدار اعلى من قيه السهم فى السوق انا مش هدفع من جيبى الفرق عشان عيونكم