نموذج الراس والكتفين شرح نموذج الراس والكتفين
ما هو نموذج الراس والكتفين
الراس والكتفين هو:نموذج انعكاسي {معناها بيعكس الاتجاه} ياتي في نهايه الاتجاه الهابط او الصاعد ويدل علي انعكاسه
شروط تكونه
1 الراس وتكون في المنتصف بين الكتف الايمن والايسر وتكون اعلاهم سواء كان بالذيل او الشمعه
{زي ما انتو شايفين في الريبل مقابل الدولار علي الفريم الشهري القمه الي كانت وصلت ل3.5 دولار ديه كانت الراس {وانا راسم دايره عندها وكاتب الراس علشان توضح}}
2 الكتف الايمن ويكون علي يمين الراس ويكون اقل منه ارتفاعا بالشمعه او الذيل يجب مراعاه انه يكون اقصر من الراس
{انا راسم في الشارت دايره وكاتب عليها الكتف الايمن}
3 الكتف الايسر بيكون علي يسار الراس ويكون اقل منه ارتفاعا بالشمعه او الذيل يجب مراعاه انه يكون اقصر من الراس
{انا راسم في الشارت دايره وكاتب عليها الكتف الايسر}
4 خط الرقبه الخط ده بترسمه بيكون واصل مابين نقطه التقاء الكتف الايمن مع الراس والايسر مع الراس زي ما انا راسم كده ومش شرط يكون خط افقي
ملحوظه خلبوصه
لما يجي في الاتجاه الصاعد بيكون راسه فوق {مينفعش خالص يجي في الاتجاه الصاعد وراسه تحت ده كده مش راس وكتفين}
لما يجي في الاتجاه الهابط بتكون راسه تحت {مينفعش خالص يجي في الاتجاه الهابط وراسه فوق ده كده مش راس وكتفين}
طب كده انت تستفيد منه ازاي
فيه ناس كتير بتقول حط امر معلق عند خط الرقبه لما يلمسه يفتح يا اما صعود يا اما هبوط علي حسب وجوده في انهي اتجاه
بس للاسف المعلومه ديه غلط جدا وناس بتخصر بسببها علشان السوق اصلا خداع عايز يخصرك وسعات كانت بتحصل معايا اول ما يلمس خط الرقبه ادخل الصفقه وده غلط وخسرت منه
بس ايه الدخول الصح
استني لما يكسره بشمعه حقيقيه مش ديل والشمعه ديه تقفل
والشمعه الي بعديها تفتح وتقفل الديل والجسم فوق ملمسوش خط الرقبه لو لقيت شمعتين كده كانوا صعود او هبوط نش فارقه مده انت تدخل الصفقه وانت رجل علي رجل
بس السوال الي هتلاقي نفسك بتساله دلوقت انا ادخل معاه لحد فين
شد خط من الراس لحد خط الرقبه وحطوا عند خط الكسر وكده مبروك عليك الصفقه
بس
خلي بالك مش شرط انه يحقق الصفقه 100% ساعات يحقق 70% او 80% وساعات بيعدي الهدف بتاعه بس نصيحتي ليك شوف اقرب مقاومه قريبه من الهدف واخرج منها كده مبروك عليك الصفقه
وده الي احنا مستنيينه في الريبل علشان نبدا رحلتنا معاه ممكن يطلع ويفتح ويقفل صفقتين فوق خط الرقبه وممكن يكون بيخدعنا وهيتمشي تحت الخط
نصيحه كده علي الماشي: السوق دايما بيحاول يشد رجل الشاري الي مش مركز او مش دارس صح بيخدعنا يعني زي دلوقتي علي الريبل فيه ناس ممكن تكون اشترت من فوق والسوق شغال في الهبوط وخسروا السوق خدعهم ف اوعي تخلي السوق يخدعك انت الي تخدعه ولو خسرت صفقه اعتبر السوق استلف منك مش خسرت والشاطر الي يرجع فلوسه واكتر
ولو فرصه صفقه داعت منك وانت مدخلتهاش بسبب انك مستني الشمعتين الي هيقولولك تدخل احسن من انك تدخل الصفقه وتخسرها ديه من وجهه نظري مدخلش احسن من اني ادخل واخسرها
لو فيه اي حاجه انا نسيتها او نسيت اكتبها متبخلش انك تكتبها في التعليقات علشان تفيد غيرك وانا استقاد كمان
وبس ده كل الي اعرفه عن الالراس والكتفين
تابع صفحتي لتحليل الريبل مقابل الدولار الامريكي
والي عنده تحليل للريبل ينشره ويحط لينكه في الكومنت بس يكون متاكد منه
ولو فيه نمو>ج او مؤشر او اي حاجه مش فاهمها اكتبها في التعليقات
