الدرس الفني السادس ( الحل لكي تربح باستمرارية ) 25-12-2025بعد أن تناولنا الأساسيات في الدروس الخمسة السابقة والتي كانت عناوينها كالتالي :
الدرس الأول والتاني : قواعد التحليل الفني وما الذي يمكن أن يفعله ؟
الدرس الثالث : كيفية تحديد مقدار الربح المتوقع من المضاربة في الأسهم خلال سنة - سنتين - خمسة ؟
الدرس الرابع : مثال تحليل فني عملي احترافي (علي سهم جنوب الوادي للأسمنت)
الدرس الخامس : نصائح سريعة عن الصبر في الاتجاه السليم وعدم الصبر في الخسارة؟
===================
اليوم : الدرس السادس بعنوان "الحل لكي تربح باستمرارية" - رغم كل ما قلناه سابقاً لن تربح بالتحليل الفني وحدة ؟
ما شرحته لك في الدروس السابقة لا يوجد غيرة في التحليل الفني - انت المفترض الآن نطلق عليك لقب محلل فني محترف ولا يوجد شخص آخر أفضل منك
النهارده في ملخص سريع سأرشدك إلي الحل للربح باستمرار ( لتحقق نسب ربح ترضيك علي المدي الطويل)
===================
قبل شرح الحل
هقولك معلومة سريعة عن اتجاهات الأسهم (لا يوجد سهم في العالم خارج هؤلاء الاتجاهات الخمسة)
1- اتجاه عرضي
2- اتجاه صاعد ضعيف
3- اتجاه صاعد قوي
4- اتجاه هابط ضعيف
5- اتجاه هابط قوي
وسابقاً احنا اتفقنا إننا لا نحلل السهم لنتوقع المستقبل ولكن لندرس الماضي والحاضر ونحدد السهم حالياً في أي اتجاه من الاتجاهات الخمسة المذكورة
===================
نعود إلي شرح الحل علشان تربح باستمرار
1- ابحث فقط عن الأسهم ذات الاتجاه الصاعد القوي الحالي (ونفترض انه سيستمر لاحقاً)
إزاي أبحث ؟
- هتستخدم العين المجردة لو عينك قالتلك السهم صاعد قوي يبقي صاعد قوي - أي اتجاه آخر إرميه في الزبالة
- (اعتقد انها مش صعبة علي أي حد - ولكن لو انت مش هتعرف تلقط بعينك المجردة انتظر البوست القادم لما نتناول شرح المؤشرات وكيف تحدد استراتيجية لتستخدمها)
2- قسم فلوسك علي 3 الي 5 أسهم ولو انت جديد جداً وبتخاف زود التقسيم إلي أي عدد تحب (10 أو 20 مش هتفرق حاجة معاك)
3- هتدخل بلا تردد بمبلغ التقسيمة اللي تريحك واللي تشعرك بالأمان
4- قبل الدخول - لازم تحدد سبب دخولك + وقف خسارتك المبدئي
5- بعد الدخول - هتقسم خروجك علي مرحلتين (النص الأول عند أول مقاومة - أو نسبة ربح ثابتة حددها مثلا 20%) - والنص التاني هتسيبة للنهاية (هتستخدم وقف خسارة متحرك وهو متوسط 20 يوم او متوسط 50 يوم - أو حرك الوقف مع آخر قاع يحدث جديد و جرب التلاتة وخد اللي يريحك - وتفضل مع الترند للنهاية بالنص التاني) - ويفضل يكون علي الفريم الأسبوعي مش أقل من كدا
6- هتلتزم - هتكرر نفس الخطوات طول حياتك - لا تزهق - لا تخاف - لا تتردد (طبيعي فية صفقات هتربح وصفقات هتخسر - ولكن الصفقة الواحدة اللي هتربح هتعوضك عن 5 خاسرين علي المدي الطويل)
===================
نصائح لإنجاح الطريقة معاك لو انت لسه في البداية
* لو معاك مبلغ مثلا 100 ألف قسم علي عدد كبير من الأسهم- 20 سهم مثلا في البداية (يبقي كل سهم هتدخله بمبلغ 5000) - فيما بعد لما تتقن الطريقة وتثبت وتثق فيها قلل التنوع بالتدريج علي عدة شهور حتي تصل إلي التنوع المثالي من 3 إلي 5 أسهم
* خروجك علي جزئين يحميك في حالة عدم نجاح الصفقة ووصولها الي اهداف كبيرة
* الخروج بوقف خسارة متحرك له طرق عديدة ذكرنا منها 3 - لازم تختار طريقة واحدة فقط وتثبت عليها (مش كل مرة تغير - ولا تختارهم الثلاثة لتسهيل اتخاذ القرار ومتتلغبطش بينهم) - لو أكتر من طريقة هيهبلوك وهتخسر في الآخر
===================
المحلوظة الأخيرة : أنا شخصياً بستخدم التحليل الفني علي الفريمات الكبيرة لتحديد الرؤية طويلة المدي (شهور للأمام) + التحليل بالعين المجردة (كفكرة عامة)
ثم انزل للفريم اليومي أو الأسبوعي وبستخدم مؤشرات الزخم (بنتظر الإشارة تحدث للدخول) ونادراً ما أدخل فقط بسبب التحليل الفني
===================
*** بعد هذا الشرح لم يتبقي شئ لنا لنشرحة غير المؤشرات الفنية وكيف تجد لك إستراتيجة تدخل عليها او تديلك إشارة دخول وهشرحلك الاستراتيجيات اللي انا مريت بيها وما هي أفضلهم من خلال تجاربي الشخصية ( غالباً هيكون درس او درسين فقط - وتكون دي نهايتي في الكتابة علي منصة تريدنج فيو)
* واتمني ان الجميع يكون فهم شرح الفكرة العامة (راجع الدروس مرتين تلاتة تاني وأأكدلك أنك في النهاية هتستقر وهتقرر لك طريقة تستمر عليها وأنت مرتاح)
بالتوفيق للجميع....
